Жоғалып кеткен ер адам табылып, тікұшақпен ауруханаға жеткізілді
Ұлытау облысында бақташы өрісте адасып кеткен. Оқиға Қызылжар ауылдық округінің маңында болған. Ақпаратқа сүйенсек, ер адам мотоциклмен мал жаюға кетіп, кешке дейін оралмаған. Іздеу тобы дереу іске кірісіп, ауыл тұрғындары да жұмылған. Бірнеше сағаттық іздестіруден кейін малшы ауылдан 105 шақырым жерде табылды. Ол әбден шаршаған, тоңып қалған. Дәрігерлер алғашқы көмек көрсетіп, ауруханаға жеткізген. Төтенше жағдай қызметі азаматтың өмірін сақтап қалу үшін тікұшақ қолданыпты. Қазір оның жағдайы бірқалыпты.
.jpg)
.jpg)
