«Тұран» футбол клубы «Мақтаарал» командасын өз алаңында қабылдады

Түркістандық «Тұран» футбол клубы  «Мақтаарал» аяқдопшыларын өз алаңында қабылдады. Облыстың қос командасының кездесуі тартысты өтті. Ойынның алғашқы минуты Тұрандықтардың шабуылымен басталды. Көк жейде киген көкжалдар ақ алтынның отанынан келген қарсыластарының қақпасынан саңылау іздеп бақты. Әйтсе де, Мақтараалдықтар да осалдық таныта қоймады. Матчтың алғашқы таймында есеп ашыла қоймады. Алайда, екінші таймның алғашқы минутында қонақтар алға шықты. Есепті ашқан қарсылас команданың шабуылшысы Рамазан Кәрімов болды.  Сондай-ақ қосымша уақытта Мақтааралдықтар есепті еселей түсіп, алаң қожайындарын тізе бүктірді. 

Шардарада шекарашылар күні атап өтілді

Биыл еліміздің шекара қызметінің құрылғанына 30 жыл. Ел тыныштығы үшін күндіз-түні күзетте тұратын шекарашылардың кәсіби мерекесін жыл сайын 18 тамызда атап өтеміз. Мереке күні Шардара шекара бөлімінде салтанатты шара ұйымдастырылды. 

Шекарашылар күніне орай ұйымдастырылған шараға отан қорғап жүрген әскерилермен бірге осы саланың ардагерлері және жастар қатысты. Кәсіби мерекеде бірқатар шекарашы адал қызметі үшін марапат алды. 

Ықшам әскери киім киіп, бір сызықтың бойына сымдай тартыла сап түзеген сарбаздардың қатарында қазақстанның туын ұстаған жастар да тұрды. Шараға жастарды қатыстырудың өз сыры бар. 

БАУЫРЖАН ШОМПИЕВ - ШАРДАРА АУДАНЫ ӘКІМІНІҢ ОРЫНБАСАРЫ - Бірінші мақсат – жастарды отансүйгіштікке, патриоттыққа, одан кейін мына әскери қызметке дайын болуы мақсатында осындай іс-шаралар жоспары түзілген. // тек қана жастар емес ардагерлерді де қатыстырып отырмыз. Мұндағы мақсат – ұрпақтар сабақтастығын жалғастыру. Жастарды тек қана әскери қызметтің өмірімен таныстыру емес, оның қиыншылықтарымен таныстыру мақсатында осындай іс-шара өткізіліп отыр. 

Шарада сөз сөйлеген ардагерлер шекарашылардың отан алдындағы борышын мүлтіксіз атқаруына тілектестік білдірді. Еліміздің келбеті саналатын шекара қызметінің сарбаздарына зор міндет артылатынын, оны абыроймен алып шығу үшін барын салу қажеттігін айтты. 

ӘЛИАСҚАР ШЕРАЛИЕВ - ӘСКЕРИ-ПАТРИОТТЫҚ ОРТАЛЫҚ ЖЕТЕКШІСІ  - Басқа мемлекеттен бізге азаматтар кірсе де бірінші шекарашылар күтіп алады. Ол біздің бетіміз, реңіміз, мемлекеттің туы да сол шекарашыларда болады. Біз мына жерде құмдамыз. Именно Шардара аймағында Өзбекстанмен шекаралас болғаннан кейін күннің ыстығында өзіміздің сарбаздарымыз шыдап жатыр. 

Күннің ыстығы мен суығын елемейтін шекарашылар кез-келген жағдайға тас-түйін дайын. Мұндағы сарбаздар патриоттықты алғашқы орынға қойған. 

АБЫЛАЙ НӘРЗІЛДӘ  - ШЕКАРАШЫ - Ең бірінші қасиет патриоттық қасиет. Осы мемлекеттік шекараны күзетем, елімді күзетем, елім үшін жанымды қиямын деген. Екінші қасиет ол – адалдық. Еліне деген адалдығы. Қиын қыстау кезде елім, жерім деп елін күзететін, ел үшін жанын қиятын қасет керек. Үшіншіден батырлық қасиет. Ер азамат болғаннан кейін қиын қыстау кезеңнен өтеді. Әскери қызметшілер күнделікті жауынгерлік іс-қимылдар арасында жүреді. Жауынгерлік іс-қимыл арасында өз ісін нақты ұйымдастыра білетін және соны қолдана білетін батырлық қасиет болу керек. 

Әрбір сөзі нық әрі сенімді, қызметіне мығым осындай азаматтар жиналған шекара қызметі қандай құрметке болса да лайық. 

Шардаралық шаруалар қауынды шетелге экспорттауда

Жер жыртып, егін еккен дихандардың биыл шаруасы шалқып тұр. Ерте көктемнен қам жасаған шардаралық шаруалар аудан халқын тегіс өздерінде өскен қауын-қарбызбен қамтуда. Бұдан бөлек Ресей мен Беларуске 317 мың тонна өнім экспорттаған. Сапалы өнімдер көптің көңілінен шығып, сауда қызған.

Орынбасар Найзатай  -«Ахмет» шаруа қожалығының төрағасы. 1997 жылы құрылған қожалықтың 79 гектар жері бар. 17 адамды жұмыспен қамтамасыз етіп отыр. Соның 50 гектарына  бақша өнімдерін егіпті. Әсіресе биыл молынан еккен қауын қарбызы жақсы өнім берген. 

ОРЫНБАСАР НАЙЗАТАЙ – "АХМЕТ" ШАРУА ҚОЖАЛЫҒЫНЫҢ ТӨРАҒАСЫ: «Биыл өнім жақсы.Құдай қаласа бастадық жинауды. Ресейге алып кетеді. 50 гектар қауынымыз.Оның ішінде қарбыз да бар. Қырықма қауын дейміз. Міне қауынды бастадық. Пісті бәрі. Енді жинап жатырмыз. Өнім жақсы».

Қожалық қауынның жиенбай, қырықпай түрін еккен. Оның ішінде «валет сортына сұраныс көп екен. Одан гектарына 30 тоннадан алып отыр. Қорабын 1500 теңгеге саудалайды екен. Өнімнің арысын Ресей мен, Беларусқа экспорттайды. Шетелдіктер егістік алқаптан өздері келіп алып кететін көрінеді.  

ОРЫНБАСАР НАЙЗАТАЙ – «АХМЕТ» ШАРУА ҚОЖАЛЫҒЫНЫҢ ТӨРАҒАСЫ - «Валетті егуде Ресйден сұраныс жақсы. Валетканы сол үшін де көп егеміз. Жолға шыдамды, көп тұрады. Дәмі де жақсы.Өте дәмді қауын болған соң валет қауынға сұраныс көп. Сол үшін де егеміз». 

Биыл Шардара ауданы бойынша 57800 мың гектарға әртүрлі дақылдар егілді. Шаруалар дизель отынды төмендетілген бағада алып, кәсібінің берекесін көріп отыр. Ағынсудан да мәселе туындамаған. 

ТАЛҒАТ ӘЛІМҚҰЛОВ -  ШАРДАДА АУДАНДЫҚ АУЫЛШАРУАШЫЛЫҒЫ ЖӘНЕ ЖЕР ҚАТЫНАСТАРЫ БӨЛІМІНІҢ БАСШЫСЫ: «Ағын судан ешқандай тапшылық болған жоқ. Бұл периодтта ешқандай кемшілік те орын алған жоқ. Шаруалардың барлыығы да дән риза. Жалпы аудан бойынша 5500 ге-жуық ауылшаруашылық өндірушілер бар. Бүгінгі таңда ешқандай шаруадан арыз-шағым түскен жоқ».

Айта кетерлігі, Шардара ауданына қарасты Достық ауылында бас-аяғы 511 отбасы бар. Халық егін мен мал шаруашылығын бір ізге қойған. Бұдан бөлек, мұнда 369 шаруа қожалық пен 2 өндірістік кооператив жұмыс істеп тұр. 

Сайрам ауданында жол ережесін өрескел бұзған азамат ұсталды

BMW маркалы автокөлік үлкен жолдың қақ ортасында жол жүрісі ережесін өрескел бұзғаны. Оқиға Сайрам ауданында болған. Бір қызығы жол ережесін бұзу фактісін көлік жүргізушінің өзі TikTok қосымшасына жүктеп , ұсталып қалды. Бұл дерек тіртіп сақшылары  әлеуметтік желіге арнайы мониторинг жүргізу барысында белгілі болған.Бейнеде бағдаршамның тұсында қатар тұрған екі BMW авариялық жағдай туындатып, жылдамдықты арттырып, түтіндетіп қатты жылдамдықпен жүргенін байқауғаи болады. Бейнежазбаны мұқият тексерген полицейлер көліктердің иелерін анықтап, оларды заң аясында жауапкершілікке тартты. Екі көлік те айыптұраққа қойылды. Жас жүргізушілер жасаған әрекеттерін мойындап, сол үшін көпшіліктен кешірім сұрады.

Мақтаарал ауданында мектеп жәрмеңкесі өтті

Жаңа оқу жылының қарсаңында облыстағы барлық аудандар сияқты Мақтаарал ауданында да мектеп жәрмеңкесі өтті. Қалам, қағаз, дәптер, сөмкеден бастап, оқушы формасының түр-түрі кәсіпкерлер жайған сөрелерден табылады. Жергілікті тұрғындар мектеп формасының сапалы екенін айтады. Ұйымдастырушылар сатып алушыларға ыңғайлы болу үшін сатылымдағы формаларды оқушыларға кигізіп, баланың үстінде қалай тұратынын да көрсетті. Мақтаарал ауданында 28 097 оқушы бар. Осы оқушылардың керек-жарағын түгендеуге көмегі тисін деп ұйымдастырылған жәрмеңкеге 12 кәсіпкер қатысты

РАЗИЯ ГУСЕЙНОВА МАҚТААРАЛ АУДАНЫНЫҢ ТҰРҒЫНЫ  - Бағасы базардан әлдеқайда төмен. Салыстырмалы түрде. Одан кейін олардың сапасы да жақсы екен. Киім де сатып жатыр, былайша айтқанда оқушыларға керек барлық құрал-жабдықты сатып жатыр екен. Бағалары жақсы, алуға болады екен. 

МҰРАТБЕК СЕРІКБАЕВ МАҚТААРАЛ АУДАНЫ АДАМИ ӘЛЕУЕТТІ ДАМЫТУ БӨЛІМІНІҢ БАСШЫСЫ - Жәрмеңкенің мақсаты – мына базардан сәл де болса арзандау қылып ұйымдастырып жатырмыз. Кәсіпкерлерді ұйымдастырып жатырмыз. Жергілікті кәсіпкерлер бар, Шымкенттен швейный фабрикасы бар кәсіпкерлерді шақырдық арзан нарықта. Қазір Өзбекстанмен келіссөздер жүргізіліп жатыр

Түркістан облысында мектеп формасы жәрмеңкеге шығарылды

Түркістан облысында мектеп формасы жәрмеңкеге шығарылды. Онда шәкірттерге арналған киім-кешек нарықтағыдан 10-15 пайыз төмен бағада сатылады дейді ұйымдастырушылар. Ал, базарлай келген ата-аналардың пікірі басқаша. Тілшіміз толықтырып айтсын. 

Бұл отандық кәсіпорынның нарықта жүргеніне 3 жылдан асыпты. Негізінен мектеп формасын тігеді. Одан бөлек әскери киімдерді де әзірлейді. Цех арнайы тапсырыстарды да қабылдайды. Яғни, өзіңіз қалаған үлгі мен сапаны таңдай аласыз. Өндіріске өз өнімін шығарып жүрген цех жергілікті 50-ге жуық адамды жұмыспен қамтып отыр екен.  

ХАЛИПА САРЖАНОВА – ИП «АБДРАХМАНОВ» ДИРЕКТОРЫ - Сапасы өте жоғары. Алып жатқан тұрғындардың барлығы риза болып кетіп жатыр. Барлығына размерлер бар. Бүгін біз енді көп товар алып шықпадық. Себебі Шымкент басқа қалалар бізден алып кетті. Енді қалған товрмен шығып отырмыз. Тұрғындардың барлығы риза болып жатыр. 

Жәрмеңкеге Түркістан мен Шымкент қаласынан 20-ға жуық кәсіпкер қатысты дейді әкімдіктегілер. Мұндай шараны өткізудің бірнеше себебі бар. Алғашқысы мектеп формасын қолжетімді бағада саудалау. Ал екінші себебі отандық тауар өндірушілердің өнімін жарнамалау. 

ТАЛҒАТ ҚЫДЫРБАЕВ – ҚАЛАЛЫҚ БИЗНЕСТІ ҚОЛДАУ ЖӘНЕ ТУРИЗМДІ ДАМЫТУ БӨЛІМІНІҢ БАСШЫСЫ - Бұл жерде 17 кәсіпкер қатысып жатыр. Түркістан текстил мекемесі өзінің балаларға арналған киімдерін шығарады. Ип Абдрахманова ол да киім тігеді. Ата – аналардың пікірін тыңдай отырып, сондай сапада жасап жатыр. Одан бөлек конс товар, аяқ киім, рюкзак өндірушілері қамтып отыр. 

Ал, жәргілікті тұрғын Сәуле Есентай жәрмеңкенің жарнамасын ести сала келіпті. Үш қызына мектеп формасын арзандатылған бағада аламын деп ойлапты. Алайда барлығы басқаша дейді. Себебі базардың бағасынан қымбат болмаса, еш айырмасы жоқ деп налиды. 

СӘУЛЕ ЕСЕНТАЙ - ҚАЛА ТҰРҒЫНЫ - Жәрмеңке деген базарға қарағанда арзандау болу керек. Жәрмеңке не үшін халық жан жақтан келіп жатыр. Базармен бағасы бірдей. Мұнда тауар құны 10-15 пайызға төмен саудаланды. Мәселен, жейде 2-3 мың теңге аралығында болса, ұл балалардың костюм-шалбары 12 мың теңгеден басталады. Айта кетейік, қалада жағдайы төмен отбасынан шыққан 1000-нан аса оқушы бар. 

Әкімдіктегілер болса мұнда тауар құны 10-15 пайызға төмен саудаланды дейді. Мәселен, жейде 2-3 мың теңге аралығында болса, ұл балалардың костюм-шалбары 12 мың теңгеден басталады. Айта кетейік, қалада жағдайы төмен отбасынан шыққан 1000-нан аса оқушы бар. 

Шoшқaғa бaр субсидия мaрaлғa нeгe жoқ?

Aлтaй бұғысының, яғни мaрaлдың мүйізін кeсу нaуқaны aры кeтсe eкі aйғa дeйін сoзылaды, деп хабарлайды Шығыс Қaзaқстaн oблысындағы BAQ.KZ тілшісі.

Уaқытындa кeсіп aлмaсa, мүйіз қaтaйып, өзінің шипaлық қaсиeтін жoғaлтa бeрeді. Сoл сeбeпті бұғы бaғaтын шaруaлaр eмдік мүйізді дeр шaғындa кeсугe тырысып бaғaды.

Шығыс Қaзaқстaндa oннaн aстaм мaрaл шaруaшылығы бaр, дeні қиырдaғы Кaтoнқaрaғaй aудaнындa oрнaлaсқaн. Oдaқ кeзіндe мұндa бұғы сaны көбірeк бoлaтын. Қaзіргі кeздe пaнты бұлaуы бaр шaруaшылықтaрғa жaз мaусымындa туристeр лeк-лeгімeн кeлeді. Көпшілігі aқшaсының бір бөлігін aлдын aлa төлeп, oрынды брoньдaп тa қoяды. Сұрaныс мoл. Иә, бұғы сaнын көбeйту қaжeт-aқ. Бірaқ, oл дa oңaй шaруa eмeс. Мүйізді aң тaудың шипaлы шөбін жeмeсe, мүйізіндeгі дәру зaттaр кeмиді. Өңірдeгі өзгe aудaндaр бұғыны Кaтoннaн сaтып aп, жaзық дaлaдa өсірудe. Өкінішкe қaрaй, oлaрдың мүйізіндe eмдік қaсиeт шaмaлы-aқ. Яғни, Aлтaйдың eтeгіндe eмін-eркін жaйылғaн, aлуaн түрлі өсімдіктeрмeн қoрeктeнгeн мaрaлдaрдың мүйізі ғaнa бaғaлы.   

Пaнты – жүрeккe, қaн тaмырлaрынa, сүйeк пeн буынғa, ми мeн жүйкeгe aсa пaйдaлы. Өйткeні, мaрaл тaудa өсeтін үш жүздeй шөпті жeйді. Әрқaйсысынaн минeрaлды зaттaр, дәрумeндeр aлaды. Бір қызығы, сoлaрдың дeні мүйізгe жинaқтaлaды. Жaзғытұрымнaн кeйін, яғни жeр көктeгeн сoң жeтпіс күннің ішіндe мүйіз тoлық жeтілeді, – дeйді «Бaян» eмдeу oртaлығының мaмaны Oлжaс Қырықбaeв. 

«Менің туым». Республика күніне орай көркемсурет байқауы өтеді

«Balapan» телеарнасы Республика күніне орай «Менің туым» көркемсурет байқауын жариялайды, деп хабарлайды BAQ.KZ.

Балалар жылы аясында ұйымдастырылған байқау шарттары: 

– Байқауға 5-10 жастағы балалардың жұмыстары қабылданады;

– Қатысушы суретті өз қолымен салуы тиіс;

– Сурет салып жатқан сәті мен суретінің мазмұны туралы видео түсіріп жіберуі керек (ұзақтығы 30-40 сек.); 

– Суреттің электронды нұсқасы baiqau@balapan.tv почтасына жолданады;

– Суреттің түпнұсқасын  «Balapan» телеарнасының  мекенжайына жолдау керек (Нұр-Сұлтан қ., Қонаев көшесі 4);

– Қатысушы суреттің келесі бетіне өзі туралы толық ақпаратты жазуы тиіс (аты-жөні, жасы, мектебі, мекенжайы, ата-анасының телефон нөмірі)

Байқау жеңімпазы 25 қазан – Республика күні қарсаңында анықталып, арнайы диплом және бағалы сыйлықтармен марапатталады.

Байқау суреттері 2022 жылдың 23 тамызы мен 10 қыркүйегі аралығында қабылданады.

Қосымша ақпарат үшін 87172 75-70-79 нөміріне хабарласуға болады.

Ет бағасы өсе ме?

Ет бағасының қатты өсуіне негіз жоқ. Бұл туралы ауыл шаруашылығы министрі Ербол Қарашөкеев мәлімдеді, деп хабарлайды Stan.kz ақпарат агенттігі. 

Министр ет бағасына болжам жасағанда бірнеше факторды ескеру керек екенін айтты. Біріншісі – мал басы. Екіншісі – қаржыландыру мәселесі.

"Ет бағасына қатысты тоқталсам, қазір ет өндірісінің көлемі тұрақты, артып та келеді. Экспортқа да шығарылуда. Жағдай тұрақты. Мал басы да арта түсуде. Өңделген еттің шетелге экспорт көлемі де ұлғаюда. Сондықтан жағдай тұрақты. Егер қарасаңыздар, баға өсімі бар. Яғни, жанармайдан бастап мал шаруашылығының шығындары артып отыр. Қажетті дүниенің бәріне баға өсіп келеді. Осыған байланысты біршама қымбаттауы мүмкін", - деді министр Үкімет отырысынан кейін БАҚ өкілдеріне берген сұхбатында.

Оның атап өтуінше, мал шаруашылығының кірістілік деңгейі біркелкі сақталуы тиіс. Егер олар шығынға батса, онда еттің қажетті көлемі де соған сай баға да болмайды.

"Бағаны болжау қиын. Бағаға болжам жасаған кезде бірнеше факторды ескергеніміз жөн. Бірінші фактор –  мал басы. Бізде мал басы тұрақты артып келе жатыр. Екінші мәселе – қаржыларндыру. Еттің қымбат болуына, қатты қымбаттап кетуіне негіз жоқ", – деді Ербол Қарашөкеев.

Жүктілікке байланысты әлеуметтік төлемді электрондық форматта ресімдеуге болады

Жүктілікке, босануға және жаңа туған баланы (балаларды) асырап алуға байланысты табысынан айырылған жағдайда төленетін әлеуметтік төлемді тағайындау үшін өтінішті енді Электрондық үкімет порталы арқылы беруге болады, деп хабарлайды BAQ.KZ.

Жоғарыда көрсетілген төлемге өтініш беру бойынша қызмет көрсетудің электрондық форматы ҚР Еңбек және халықты әлеуметтік қорғау министрлігінің, ҚР Цифрлық даму, инновациялар және аэроғарыш өнеркәсібі министрлігінің және «Ұлттық ақпараттық технологиялар» АҚ-ның бірлескен жұмысы шеңберінде іске асырылды. Бұрын өтініштер ХҚКО арқылы қағаз түрінде қабылданған болатын.

eGov.kz порталы арқылы өтініш беру үшін басты бетте «Әлеуметтік қамсыздандыру» бөлімін ашып, «Отбасыларға көмек» тармағын таңдап, тиісті қызметті табу керек.

Осыдан кейін пайдаланушы порталда авторизациялануы, онлайн қызметке тапсырыс беруі, барлық міндетті қатарларды толтыруы, талап етілетін файлдарды тіркеуі және ұсынылған нұсқалардың бірімен өтінімге қол қоюы қажет.

Өтінімді eGov.kz порталында қарау мерзімі 8 жұмыс күнін құрайды. Сомасы көрсетілген төлем тағайындау туралы хабарлама немесе бас тарту туралы дәлелді жауап пайдаланушының жеке кабинетіне жіберіледі.

Электрондық құжат және/немесе сұрау салу нәтижесі туралы хабарлама одан әрі жеке кабинетте, «Қызметтерді алу тарихы» бөлімінде қолжетімді болады.

Аталған қызметті eGov.kz порталы арқылы алу үшін жұмыс берушінің кадр қызметі толтыратын еңбек шарттарын есепке алудың бірыңғай жүйесінен (бұдан әрі – E-HR) электрондық мәліметтер қажет екені айта кету керек. Сондықтан әлеуетті көрсетілетін қызметті алушы жүктілікке және бала (балаларды) тууға, жаңа туған баланы (балаларды) асырап алуға байланысты демалысқа шығу туралы тиісті деректердің E-HR-ге енгізілгенін нақтылауы қажет.

Доллар бағамы тағы төмендеді

Доллардың теңгеге шаққандағы бағамы төмендеді, - деп хабарлайды Tengrinews.kz тілшісі.

Күндізгі сауда қорытындысы бойынша, доллардың орташа сараланған бағамы 3,50 теңгеге арзандап, 470,45 теңге болады. Айта кетейік, доллардың 23 тамыздағы ресми бағамы - 473,99 теңге.

Дәл қазір Алматының ақша айырбастау орындарында долларды сатып алу - 469,81 теңге, сату - 474,19 теңге. Нұр-Сұлтанның ақша айырбастау орындарында америкалық валюта орта есеппен 469,04 теңгеден сатып алынып, 473,53 теңгеден сатылып жатыр.

СІМ Украина елшісіне наразылық білдірді

Қазақстан Республикасы Сыртқы істер министрлігінде министрдің орынбасары Ермұхамбет Қоныспаевтың Украинаның Қазақстандағы елшісі Петр Врублевскиймен кездесуі өтті, деп хабарлайды BAQ.KZ.

Кездесу барысында елшіге 21 тамызда қазақстандық блогер Диас Құзайырға берген сұхбатында айтқан мәлімдемелеріне байланысты наразылық білдірілді.

Қазақстан тарапы мұндай мәлімдемелердің шет мемлекет елшісінің қызметіне сай келмейтіндігі және қолайсыздығы туралы ұстанымын білдірді. Мұндай іс-қимылдар мемлекеттер арасындағы достық қатынастарға нұқсан келтірмеуге тиіс.

Магистратура бойынша білім гранты иегерлерінің тізімі жарияланды

2022-2023 оқу жылына арналған магистратура бойынша білім гранттары иегерлерінің тізімі жарияланды, деп хабарлайды Stan.kz ақпарат агенттігі.

Магистратураға мемлекеттік білім гранттарын тағайындайтын Республикалық комиссия отырысы аяқталды. Оның құрамына министрліктің, мемлекеттік органдардың, бiлiм саласы кәсiподақтарының, ҚР Ұлттық кәсiпкерлер палатасы, БАҚ, Қазақстанның азаматтық альянсы және қоғамдық ұйым өкілдері енген.

Естеріңізге сала кетейік, биыл магистратураға 13 мың грант бөлінді.

Қаңтар оқиғасы: 100-ден астам адам бас бостандығынан айырылды

Ішкі істер министрлігі қаңтар оқиғасына қатысты тергеу шаралары бойынша есеп берді, хабарлайды Stan.kz ақпарат агенттігі. 

Тергеу департаментінің басшысы Санжар Әділовтың айтуынша, осы уақытқа дейін 4 642 қылмыстық іс қозғалды. Соның ішінде ұрлық (2,5 мың), қаруды ұрлау немесе сақтау (710), бұзақылық (418), мүлікті жою (199), қарақшылық және тонау (26) бар.

"971 істің өндірісі аяқталды, оның ішінде 609 айыпталушыға қатысты іс соттарға жолданды. Сот қарауының нәтижесі бойынша 539 айыпталушыға үкім шықты, олардың 425-і бас бостандығын шектеуге және 104-і ауыр және аса ауыр қылмыстар жасағаны үшін бас бостандығынан айыруға сотталды", - деді Әділов орталық коммуникациялар қызметінде өткен брифингте.

Қазір 276 қылмыстық іс тергеліп жатыр. Атап айтқанда, қаруды заңсыз сақтау (50), кісі өлтіру (33), билікті асыра пайдалану (40), ұрлық (16), бұзақылық (4) және тағы басқа қылмыстар.

Жалпы, бүгінгі таңда 40 мыңға жуық тергеу жүргізілді, 15 мыңнан астам азаматтан жауап алынды және 2,5 мыңнан астам сараптама тағайындалды.