Жаңалықтар мұрағаты

Төлеби тұрғындарымен кездесуде қандай мәселелер айтылды?

Төлеби тұрғындарымен кездесуде қандай мәселелер айтылды? Дәл қазір арнамыздың тілшісі тікелей байланысқа шыққалы тұр.

Ордабасылық тұрғын 4 млн. теңгеге 11 бас ірі қара алған

«Ауыл аманаты» бағдарламасы бойынша шаруаларды қаржыландыру елдімекендерде жүзеге асып жатыр. Несие алған жандар өсімдік шаруашылығын қолға алып, қорадағы ірі қарасын көбейтуде. Ордабасы ауданында жобаның 1-кезеңіне Шұбар ауылы да енген. Ауыл тұрғындары 2,5 пайыз несиеге қандай іс бастады? Тілшіміз баяндасын.

Төлеби ауданында су қоймасының құрылысы басталды

Табиғаты таңғажайып Төлеби - туризм саласын дамытуға сұранып тұрған аймақ. Алайда қысы да, жазы да жайлы бұл өңірде соңғы жылдары ағын су тапшылығы сезіле бастаған. Түркістан облысының әкімі Дархан Сатыбалды аудан жұртшылығымен кездесуінде бұл мәселенің тікелей өз бақылауында екенін айтты. Тұрғындардың өмір сүруіне қолайлы жағдай жасап, өңірдің әлеуметтік-экономикалық дамуын қамтамасыз ету үшін алдымен ең қарапайым су мәселесін шешу керек. Осылай деген өңір басшысы осы ретте су қоймасы салынып жатқанын айтты.

Түркістандағы бір ғана дәмханаға күніне шамамен 600-ден астам адам келеді

Түркістан қаласындағы мейрамханаларда бос орын жоқ. Бір ғана дәмханаға күніне шамамен 600-ден астам адам келеді екен. Сондай-ақ, ойын-сауық орталықтарына қай кезде барсаң да лық толы халық. Бұл ненің белгісі? Кейінгі кездері қала тұрғындары өмір салтын өзгерткен не нәрсе? Мұның себебіне тілшіміз үңіліп көрді.

Аймақ басшысы ауылдың тыныс тіршілігін көріп қайтты

Төлеби ауданында «Ауыл аманаты» бағдарламасы аясында кәсібін іске асырып жатқан жеке шаруалар қатары күн санап артуда. Түркістан облысының әкімі Дархан Сатыбалды Төлеби ауданындағы бірнеше ауылдық округінде болып, ауылдың тыныс- тіршілігін көріп қайтты. Сапар барысында ауылда жаңадан қолға алынып жатқан «Ауыл аманаты» жобасының барысымен танысты. Ауыл тұрғындары кәсібін дөңгелетуді көздеп, несие алған. Облыс әкімі жаңа мүмкіндікті пайдаланып, жеке кәсіпкер қымыз және саумалымен сауықтыру орталығының жұмысын дамытпақ. Зертас елді мекенінің тұрғыны алдағы уақытта сал ауруына шалдыққан балаларды үйретілген аттарға мінгізіп емдеуді жоспарлауда. Ал, Көксәйек елді мекенінде «Ауыл аманаты» бағдарламасы аясында іске асырылып жатқан жеке шаруа мал бордақылау ісін ұлғайтуды қолға алған. 7,5 млн.теңге несие алып, Жамбыл облысынан 22 бас ірі қара сатып алған ол, алдағы уақытта қосымша жылқы бордақылауды жоспарлауда.

«Мерейлі отбасы» ұлттық байқауының жеңімпаздары анықталды

«Мерейлі отбасы» ұлттық байқауы облыстық кезеңінің жеңімпазы анықталды. Елімізде 2013 жылдан бері үзбей өткізіліп келе жатқан сайыстың мақсаты - отбасы құндылықтарын дәріптеп, берекесі мен бірлігі жарасқан отбасыларды келер ұрпаққа үлгі ету. Түркістан облыстық қоғамдық даму басқармасының ұйымдастыруымен өткен шара жайлы тілші репортажынан көріңіз.

Балаларға арналған емдеу сауықтыру орталығы

Түркістан облысы Төлеби ауданының тұрғындары мемлекеттік гранттың шарапатын көруде. Солардың бірі - балаларға арналған емдеу сауықтыру орталығын ашқан. Нәтижесінде қанша бала тәй-тәй басып, ата-анасын қуантты? Толығырақ әріптесім жалғастырады.

Жастар ресурстық орталықтарында 59 жұмыс орны бос

Облыстық Жастар Ресурстық орталығында бос жұмыс орындарының жәрмеңкесі өтті. Басты мақсаты - жоғары оқу орындарын жақында аяқтаған жастарды жұмысқа тарту әрі жұмыссыздық деңгейін азайту. Жәрмеңкеге орталықтың 17 аудан мен қаладағы өкілдері келіп түсіндірме жұмыстарын жүргізді. Жастар ресурстық орталығының өңірдегі филиалдарында 59 жұмыс орны бос екен.

Қолөнерді жанына серік еткен

Келес ауданында 14 жастағы оқушы қолөнердің ерекше түрімен айналысады. Ағаштан ою ойып, түрлі кәдесыйлар жасайтын талантты бала биыл 9-сыныпқа көшеді. Шахимардан Жақсылықұлының ата-анасы да - еңбекке баулу пәнінің мұғалімі. Бұл жағдай балаларына әсер етпей қоймапты. Сырлы Келестегі жас шебер туралы тілші сюжетінен көрейік.

«2023-08-24» бойынша іздеу нәтижесі