Пластик өнімдері өндірісі қарқын алды

 Тұран арнайы экономикалық аймағында орналасқан пластик бұйымдар өндіретін кәсіпорнның өндірістік қуаты артып келеді. Өткен жылы іске қосылған  зауыт  бүгінде ішкі нарықты сапалы отандық тауармен  қамтып келеді.  Кәсіпорынның тыныс-тіршілігімен тілшіміз Жұлдыз Шалхарбек танысып қайтты.

Біз күнделікті тұтынып жүрген мына бір пластик ыдыстар Түркістанда өндіріледі. Мына техника бір мезетте бір рет қолдануға жарамды  20-ға жуық өнім өндірсе, өндіріс кешені бір жылда 300.000 тонна осындай пластикалық ыдыстарды нарыққа жібереді. 

Салат, сүт өнімдері мен түрлі сусындарға арналған бір реттік пластик ыдыстарды дайындауға мұнда 30-дан астам маман жұмылдырылған. Жұмысшылар станоктан лек-легімен өтетін пластик ыдыстарды топтастырумен қатар, автоматтандырылған желілердің жұмысын қадағалап, бағдарламалық басқаруын жүзеге асырады. Сондай-ақ кәсіпорында полиэтилен пакеттері мен пластик қаптамалар әзірленіп, тапсырыс берушілерге жөнелтіледі.