Түркістандық оқушылар роботтехникадан әлемдік сайысқа жолдама алды. NIS мектебінің командасы халықаралық FIRST бағдарламасы аясындағы іріктеу кезеңдерінде үздік шығып, АҚШ-тың Техас штатында өтетін финалдық жарыста Қазақстан намысын қорғамақ. Әлемнің мықтыларымен сынға түсетін жас өнертапқыштардың жобасы жайлы тілшіміз тарқатады.
Шағын көрінгенінген бұл роботты құрастыруға 6 миллон теңге қаржы жұмсалған. Нақты тапсырмаларды орындауға бейімделген бөлшектердің компоненттері шетелден арнайы алдырылыпты. Назарбаев зияткерлік мектебінің оқушылары FIRST әлемдік жарысына қатысу үшін жобаны былтыр қыркүйек айында қолға алған. Құлтемірдің негізгі міндеті белгіленген уақыт ішінде мүмкіндігінше көп допты нысанаға дәл түсіру.
ЗАҢҒАР ФЕРМЕБАЙ ОҚУШЫ
Арнайы детальдар алудамыз. Мысалға корпусты арнай пластиктен істеп жатырмыз. Ол өте жеңіл. Роботтың қимылдауы берік болады. Бұл бізге көбірек доп лаққтыруға көмектеседі. // 02:48-20:50 // Алдағы жарста бірінші орынды аламыз деген сенімдеміз
Өнертапқыштар осы роботпен АҚШ-та өтетін әлемдік жарыста бақ сынайды. Ақтық сынға дейін олар бес бірдей іріктеуде жеңімпаз болып, қарсыластарынан озып шыққан. Талпыныстың арқасында өрендер Қытай мен Америкаға жолдама алып, ел намысын Техас штатында қорғамақ.
МЕРЕЙ ТЕҢГЕБАЙ ОҚУШЫ
Біз үшін бұл іс шара өте маңызды болып тұр. Себебі, біз Қазақстанды халықаралық сахнада көрсететін жалғыз қазақ команда болып тұрмыз. АҚШ-тың Техас штатындағы жарысқа барамыз. Біз бұған дейінгі елдерге өз қаражатымызбен бардық.
FIRST - әлем бойынша оқушылар арасында өткізілетін беделді инженерлік-техникалық жарыс. Бұл сынға Қазақстан атынан түркістандық өнретапқыштар ғана қатысады. Егер жеңіске жетсе, оқушылар әлемнің жетекші университеттеріне оқуға түсуге мүмкіндік алады. Жастардың бұл талпынысы еліміздің халықаралық аренадағы танымалдылығын нығайта түспек.
️
