Түркістан қаласында толассыз жауған жауын салдарынан қала аумағындағы жолдардың қыртысы дұрыс нығыздалмаған тұстары опырылып қалды. Оның салдары қала тұрғындары мен жүргізушілеріне зиян тигізуде. Ауа-райының салқындығына байланысты асфальт төсеу жұмыстары көктем айларына жоспарланып отыр. Ол уақытқа дейін төмен түсіп кеткен жерлер қиыршық таспен тегістеліп, уақытша қалпына келтіріледі. Бұл жұмыстар мердігер мекеме тарапынан жүргізіледі.
️
