Премьер-министр Олжас Бектенов Мемлекет басшысының «Таза Қазақстан» бағдарламасын жүзеге асыру мәселелері жөнінде кеңес өткізді. Жалпы биыл аталған бастама аясында республика бойынша 1 250 экологиялық шара өткен. Оның ішінде аумақтарды жинау, көгалдандыру және экологиялық ағарту жұмыстары да бар. Нәтижесінде, 2 миллион 800 мыңнан астам ағаш отырғызылып, 1 млн гектар жер тазартылыпты. Сонымен қатар, биыл ғарыштық мониторинг арқылы 3 833 полигон анықталып, оның 80%-ы жойылған. Және 165 лауазымды тұлға әкімшілік жауапкершілікке тартылып, жалпы 12,4 млн теңге айыппұл салынған.
️
