«Театр – өмір айнасы» облыстық халықтық театрлар байқауы басталды

Биыл «Парасат» орденінің иегері, сатирик Көпен Әмірбектің туғанына 75 жыл. Осыған орай, Отырар ауданында   «Театр – өмір айнасы» атты облыстық халықтық театрлар байқауы басталды. Өнер бәйгесіне Райымбек Сейтметов атындағы Түркістан сазды-драма театрының директоры Арман Әлиев, театр актеры Шәкен Амантұров және «Ерен еңбегі үшін» медалінің иегері Темірхан Тасқан қазылық етуде. Екі күнге созылатын байқау барысында 15 қойылым көпшілік назарына ұсынылып, аудан, қалалардан келген халық театрлары сахналық шеберліктерін көрсетеді. Байқаудың ашылу салтанатында аудан әкімі Қайрат Жолдыбайұлы мен аудандық мәслихат төрағасы Уәлихан Ұзақов қатысып, құттықтау лебіздерін жеткізді.