Таудағы қауіпсіздік: құтқарушылар сақтық ережелерін қатаң сақтауға шақырды

Түркістан облысының Төтенше жағдайлар департаменті дабыл қағуда. Жыл басынан бері тауға серуендеуге барып,  адасқан адамдар саны 40-қа жеткен. құтқарушылардан көмек сұрап, 100-ден аса қоңырау түскен. Бұл – ресми тіркелген дерек.  Мамандар тауға шығатын туристерге қауіпсіздік ережелерін қатаң сақтауды ескертеді. Әсіресе, арнайы бағытсыз немесе гидсіз серуендеудің арты қайғылы жағдайға әкелуі мүмкін дейді құтқарушылар.  Осыған байланысты тауға арнайы барған тілшіміз Айдос Игіліковтың бейнематериалына назар аударайық.