Премьер-министр әкімдерге жылу желілеріндегі жөндеу жұмыстарының аяқталуын қатаң бақылауды тапсырды

Степногорск, Орал, Петропавл және Сәтбаев. Осы өңірлердегі жылу желілеріндегі жөндеу жұмыстары уақытылы аяқталмай қалу қаупі бар. Бұл туралы Үкімет отырысында айтылды. Республикадағы жағдай туралы Премьер-министрдің орынбасары Роман Скляр баяндады. Оның мәліметінше, қазірдің өзінде елдегі энергия көздері қоймаларындағы көмір қоры 4,8 млн тоннаға жеткен. Бұл былтырғы деңгейден 6 пайызға артық. Сондай-ақ, мазут қоры 128,5 мың тоннаны құрап отыр. Ал премьер-министр әкімдерге жөндеу жұмыстарының аяқталуын қатаң бақылауға алуды тапсырды.