Олжас Бектенов әділет органдарында цифрлық шешімдерді енгізу барысымен танысты

Мемлекет басшысы барлық саланы цифрландырудың бірыңғай жүйесін құру қажет екенін атап өткен. Осыған байланысты Үкімет мемлекеттік органдарға жасанды интеллект енгізу жұмысын бастады. Премьер-министр Олжас Бектенов әділет органдарын цифрландыру бойынша кеңес өткізді. Жиында құқықтық жүйеге цифрлық шешімдерді енгізу, сот-сараптама қызметін жаңғырту және халықтың құқықтық көмекке қолжетімділігін арттыру мәселелері қаралды. Сондай-ақ жасанды интеллектті кеңінен қолдану, жаңа цифрлық жобаларды енгізу және заңнамалық бастамаларды іске асыру жөнінде нақты тапсырмалар берілді