Қаржы мониторинг агенттігі Шығыс Қазақстан облысындағы университетте үлестерді заңсыз қайта бөлу схемасын анықтады. Дәулет Серікбаев атындағы Шығыс Қазақстан техникалық университеті – елдегі жетекші жоғары оқу орындарының бірі. Білім ордасы металлургия, машина жасау, энергетика, медициналық техника және басқа да салалар үшін мамандар даярлаумен айналысады. Оның құрамында 17 ғылыми орталық, зертхана және ғылыми-өндірістік алаң жұмыс істейді. Алайда, 2018–2020 жылдары университеттің бұрынғы басшылығы жарғылық капиталындағы 78% мемлекеттік мажоритарлық үлесті заңсыз түрде жекеменшікке өткізген. Тергеу нәтижесінде, оқу ордасына жалпы құны 1,5 млрд теңге болатын мүлік толық қайтарылды.
️
