Түркия мен Сирияда жер сілкінісінен қайтыс болғандар саны 20 мыңнан асты. Қаза тапқандардың басым бөлігі, атап айтқанда 17674-і Түркия азаматтары. Ал, құтқарылып емделіп жатқандар саны - 72879 тұрғын. Сондай-ақ, кеше үйінді астынан 121 адам құтқарылды. Бұл туралы Түркия президенті Режей Тайып Ердоғанның көмекшісі Фуат Октай хабарлады. Оның сөзінше Османие, Килис және Шанлыурфа аймақтарында құтқару-іздестіру жұмыстары аяқталды. Қазіргі таңда 12 241 техника үздіксіз жұмыс істеуде. Жер сілкінісінен зардап шеккендер үшін Түркияның білім министрлігі мен университеттері арқылы 461 мың адамға уақытша тұруға орын қарастырылған.
️
