Әлеуметтік маңызы бар азық-түлік тауарларының бағалары халыққа қолжетімді болуы тиіс. Осыған орай азық-түлік Түркістанда 13 әлеуметтік дүкенге тұрақты жеткізіліп, қадағалау жұмыстары жүргізілуде. Сондай-ақ мұндай дүкендер саны алдағы уақытта 50-ге дейін артады. Қазір облыс орталығында және аудандарда азық-түлік тауарларының бағасына күнделікті мониторинг жүргізіледі. Облыс тұрғындары үшін апта сайын ауыл шаруашылығы тауарын өндірушілер мен көтерме жеткізушілердің жәрмеңкелері ұйымдастырылады.
️
