Шымкентте сапасыз салынған жолдар қайта салынып жатыр. Ұлттық сапа орталығының мамандары жыл басынан бері 334 рет жолға шығып, 275 ақау анықтаған. Міндетін дұрыс атқармаған мердігердерлер 54 161 мың шаршы метр жолға қайтадан асфальт төсеген. Ұлттық сапа орталығының қалалық филиалының мамандары құрылыс жұмыстарына немқұрайлы қараған техникалық қадағалаушыларды да анықтап, қалалық орта сапасы және бақылау басқармасына хат жолдаған. Нәтижесінде 3 мердігер және 8 техникалық қадағалау мекемесіне айыппұл салынды. Жалпы, айыппұл сомасы 8,4 млн. теңгені құрады. 6 техникалық қадағалаушының аттестаты 6 айға, 1 техникалық қадағалаушының аттестаты 3 жылға тоқтатылды.
️
