«Түркістан» телеарнасында «Әуесқой репортер» айдары аз уақыттың ішінде көреремен көзайымына айналды. Тұрғындар өзекті деген бейне жазбаларын түсіріп, бізге жолдап жатыр. Бұл жолы Сарыағаштағы Жібек жолы ауылы тұрғындары жан-айқайын жеткізді. Олар тұратын Базар жырау көшесінің бас жағына ғана асфальт төселген. Ал қалған 150 метрі топырақ жол. Оның өзі ойқы-шұйқы. Жергілікті халық жаздың күндері шаң жұтып, ал, жауынды күндері лай кешіп, батпаққа бататынын айтады. Ол кезде ішкі жолға көліктердің кіруі де қиын.
️
