Эфирде: 08:09 Travel Turkistan: Керуен сарай кешені
Ары қарай: 08:09 Travel Turkistan: Керуен сарай кешені

Прокурор Қайрат Сатыбалдыны 6 жылға бас бостандығынан айыруды сұрады

29
22.09.2022 16:45

Астанада Қайрат Сатыбалдыға қатысты сот отырысы өтіп жатыр. 22 қыркүйек күні онлайн режимде өткен сотта прокурор Нұрсұлтан Назарбаевтың жиеніне мүлкін тәркілеу арқылы 6 жыл бас бостандығынан айыру жазасын тағайындауды сұрады, деп хабарлайды Stan.kz ақпарат агенттігі.

Сондай-ақ прокурор Сатыбалдыны белгілі бір лауазымдарды атқару құқықтарынан айыру және ҰҚК генерал-майоры арнаулы атағынан, "Құрмет" және "Парасат" ордендерінен айыруды өтінді.

Сатыбалды өз кезегінде прокурордың айтқан айыптарымен келісетінін, өзінің жасаған кінәсін толық мойындайтынын және өз ісіне өкінетінін жеткізді.

"Құрметті сот, процессуалдық келісімнің мәні маған толықтай түсінікті. Мен кінәмді мойындаймын, жасаған ісіме өкінемін және процессуалдық келісімнің барлық тармақтарымен келісемін", - деді ол сотта.

Қалған сотталушылар процессуалдық келісімге сәйкес шартты түрде жазаланады.

Судья сотталушылардан сот төрелігінде қандай да бір заң бұзушылықтардың орын алған-алмағанын және алып-қосарлары бар ма деп бірнеше рет сұрады. Айыпталушылар бір ауыздан жоқ деп жауап берді.

Жауапкерлер келтірілген залалдың толық өтелгенін алға тартып, “Қазақтелеком” мен “Көліктік қызмет көрсету орталығы” АҚ компанияларына қатысты талап-арызды қараусыз қалдыруды сұрады.

Судья кеңесу бөлмесіне кетті. Соттың үкімі ертең, 22 қыркүйек күні шығады деп болжануда.