Қазақ журналистикасы қара жамылды. 81 жасына қараған шағында белгілі қаламгер, Қазақстанның Құрметті журналисі, Оңтүстік Қазақстан облысының құрметті азаматы, “Құрмет” орденінің иегері,Ұлы ұстазымыз Байдулла Қонысбек бақилық болды.
Байдулла Қонысбек 1941 жылы туға. Қазақ мемлекеттік университетінің филиология факультетінің журналистика бөлімшесін бітірген. Мамандығы журналист. Еңбек жолын 1958 жылы слесарь ретінде Оңтүстік Қазақстан облысы Алғабас (Бәйдібек) ауданы Жамбыл атындағы кеңшарында бастаған.
1961-1966 жылдары Алғабас ауданы «Бөген» кеңшарында жұмысшылар кооперациясында есепші болып жұмыс атқарған.
1966-1985 жылдары «Оңтүстік Қазақстан» газетінің редакциясында аудармашы, әдеби қызметкер, жауапты хатшы болып еткен еңбек.
1985-1987 жылдары Оңтүстік Қазақстан облыстық партия комитетінде нұсқаушы, бөлім меңгерушісінің орынбасары қызметтерінде болды.
1987-2002 жылдары облыстық телерадио хабарларын тарату комитетінде, облыстық телерадио компаниясында төраға қызметін атқарды.
2002-2006 жылдары «Оңтүстік Қазақстан» газеті бас редакторының бірінші орынбасары қызметінде жүріп зейнеткерлікке шықты.
2006-2007 жылдары «Аталар сөзі», 2007-2010 жылдары «Біздің жанұя» газеттерінің бас редакторы қызметтерін атқарған.
Байдулла Қонысбек облыстық қоғамдық саяси өміріне белсенді араласты. Ол «Дүниежүзі қазақтары қауымдастығы» республикалық қоғамдық бірлестігінің Оңтүстік Қазақстан аймақтық филиалының төрағасы, «Сайлауды қадағалау» жөніндегі РҚБ-нің Оңтүстік Қазақстан облыстық филиалының төрағасы, «Нұр Отан» ХДП-ның Оңтүстік Қазақстан облыстық филиалы партиялық бақылау комиссиясының мүшесі, облыстық журналистер ұйымының төбе биі.Сонымен қатар, 1998-2002 жылдары Қазақ-Кувейт гуманитарлық академиясында дәріс берген, доцент атағын алған.
Журналистика саласында жұмыс жасаған жылдарында көптеген шәкірттерге ұстаздық, тәлімгерлік жасап, олардың журналистика мамандығын жетік игеруіне күні бүгінге дейін қамқорлық жасап келді.
«Биік мұрат», «Бетпе – бет», «Ұрпаққа ұлағат», «Асыл жүрек», «Алуан-алуан жүрек бар» деген кітаптары жарық көрген. Республикалық, облыстық, баспасөздерде жарияланып жүрген түрлі тақырыптардағы материалдарын оқырмандар жылы қабылдады.
Байдулла Қонысбек «Құрмет белгісі» орденімен, «Ерең еңбегі үшін» медалімен, «Қазақстан Республикасының Тәуелсіздігіне 10 жыл» мерекелік медалімен, «Нұр Отан» ХДП-нда белсенді еңбегі үшін» төсбелгісімен марапатталған. Қазақстанның Құрметті журналисі, Оңтүстік Қазақстан облысы Бәйдібек ауданының Құрметті азаматы.
Байдулла Қонысбек облыстың қоғамдық-саяси өміріне белсене ат салыса отырып, облыста атқарылып жатқан игілікті істерді насихаттауға, зиялы қауым өкілі ретінде елдің ынтымағы мен бірлігің насихаттауға өз үлесін қосты.
«Turkistan Media Holding» марқұмның туыстарына қайғырып көңіл айтады!
️
