Мемлекет басшысы Қасым-Жомарт Тоқаев Германияға жасаған ресми сапары аясында сол елдің қаржы институттарының басшыларымен кездесті. Қазақ елінің басшысы немістердің банк жүйесіндегі темірдей тәртібі мен озық тәжірибесін үлгі тұтатынын жеткізіп, оны Қазақстанның бай табиғи ресурстарымен және тиімді көлік жолдарымен біріктіруді ұсынды. Сонымен қатар, әлемдік сарапшылардың ел экономикасының тұрақты деп бағалағанын алға тартып, неміс инвесторларын елімізге сенімді серіктес болуға шақырды. Мәселен, осы уақытқа дейін Германияның банктері Қазақстанның зауыттары мен жолдарына 1,2 миллиард доллар қаржы бөлген. Енді Қасым-Жомарт Тоқаев бұл байланысты одан әрі күшейтіп, жаңа деңгейге көтеруді көздеп отыр.
.webp)
