Түркістанда айыппұлы 1 миллион теңгеден асқан 16 автокөлік анықталды. Бұл «Қорғау - Қауіпті жүргізуші» бағдарламасы іске қосылған бір аптаның ішіндегі нәтиже. Сондай-ақ, жол ережесін бұзған 60-қа жуық автокөлік тіркеліп, айыптұраққа жеткізілген. Олардың ішінде түрлі жол ережесін бұзған – 27 автокөлік, мiндеттi сақтандырудан өтпеген – 6 көлік бар. Естеріңізге сала кетсек, аталған бағдарлама жол ережесін жиі бұзатын көлік жүргізушілерін жылдам анықтауға мүмкіндік береді. Ол үшін қосымшада облыста орнатылған бейнебақылау камералары мен Жедел басқару орталықтарының мүмкіндіктері біріктірілген.
.webp)
