Түркістанда қазақ халқының құқықтық мұрасы мен билер институтының тарихи маңызын дәріптейтін «Билер аллеясы» ескерткіш кешені ашылды. Салтанатты рәсімге Түркі мемлекеттері ұйымына мүше 6 елдің Жоғарғы сот төрағалары мен халықаралық ұйым өкілдері қатысты. Кешен аумағына қазақтың ұлы билері Төле би, Қазыбек би және Әйтеке бидің еңселі ескерткіштері орнатылды.
