Алматыда «Абай ұлттық мектебінің» еңселі жаңа кампусы келушілерге есігін айқара ашты. Бұл жай ғана мектеп емес мұнда оқушылар үшін 350 орындық жайлы жатақхана, соңғы үлгідегі спорт кешені, тіпті керамика мен дизайн шеберханалары бар. Сенат Төрағасы Мәулен Әшімбаевтың айтуынша, мектеп еліміздің интеллектуалды болашағына салынған ең ірі инвестиция. Енді жас дарындар заманауи технологиялармен жабдықталған білім ұясында ұлттық құндылықтарды бойына сіңіріп өспек. Біліммен қатар, Алматыда сараптама саласы да жаңа деңгейге көтерілді. Бүгіннен бастап «Талдау мектебі» жобасының жаңа маусымы жұмысын бастады. 200-ден астам үміткердің ішінен іріктеліп алынған 65 жас маман енді екі ай бойы әлемдік деңгейдегі сарапшылардан дәріс алады. Жобаның басты мақсаты жасанды интеллект пен заманауи платформаларды пайдалана отырып, қаланы дамытудың тиімді жолдарын іздеп табу. Бұл алаңда жастар экология, урбанистика және цифрлық экономика сияқты күрделі мәселелерді шешуге машықтанбақ.
.webp)
