«Қазақмыс» компаниясының мүлкіне қол сұққан азаматтардың әрекеті әшкереленді. Полиция қызметкерлері мекемеге ірі көлемде шығын келтірілген төрт бірдей ұрлық дерегін ашты. Тергеу барысында олардың компания аумағынан жанармай ұрлаумен айналысқаны анықталған. Күдіктілердің үй-жайынан бір тоннадан астам жанармай, ірі көлемдегі ақша, көлік құралдары және оқ-дәрісі бар қару, өзге де заттай айғақтар тәркілеген. Өткен жылы Ұлытау облысында осыған ұқсас жәйттер бойынша бірнеше қылмыстық топ ұсталып, келтірілген шығынның 95%-ы өтелген. Күдіктілер сотқа тартылып, жаза арқалады. Соған қарамастан, биыл да мұндай заңсыз әрекеттер тыйылмай тұр.
