Алматы әуежайында шетел азаматы ірі көлемде есірткімен ұсталды. Күдіктіден 11 келіге жуық гашиш майы табылған. 20 жастағы шетел азаматы елге Бангкок – Алматы рейсімен ұшып келген. Тексеру кезінде одан есірткіден бөлек, 12 пластикалық ыдыс тәркіленді. Енді ол, қылмыстық кодекстің 286-бабына сәйкес, өмір бойына бас бостандығынан айырылуы мүмкін. Айта кетейік, жыл басынан бері елімізде есірткі контрабандасының 57 дерегі анықталып, жолы кесілді.
