Түркістан облысында жұмыс орындарындағы еңбек қауіпсіздігін қамтамасыз ету бағытында жүйелі жұмыстар жүргізіліп жатыр. Қызметкерлердің қауіпсіздігін сақтау, еңбек қатынастарын заң аясында реттеу және өндірістегі тәуекелдерді азайту мәселелері өзекті. Кәсіпкерлер палатасы жұмыс берушілерге құқықтық әрі әдістемелік қолдау көрсетіп, қауіпсіздік талаптарын сақтау бойынша түсіндіру шараларын күшейткен. Сонымен қатар, кәсіпорындарда қызметкерлерді жазатайым оқиғалардан міндетті сақтандыру талаптарын түсіндіру жұмыстары басталды. Бұл шаралар еңбек тәуекелдерін азайтып, қызметкерлердің әлеуметтік қорғалу деңгейін арттыруға мүмкіндік береді. Аталған мәселелер Дүниежүзілік еңбекті қорғау күніне орай өткен дөңгелек үстелде талқыланды.
