Қазақстан мен Түркия арасындағы тауар айналымы 9%-ға өсті. Алда саларалық ынтымақтастықты арттырып, инвестициялық жобаларды көбейту міндеті тұр. Астанада Үкімет басшысы Олжас Бектенов пен Түркия вице-президенті Джевдет Йылмаздың қатысуымен өткен дөңгелек үстелде екі ел арасындағы экономикалық байланыстың қазіргі ахуалы мен болашағы талқыланды. Жиында тараптар энергетика, ауыл шаруашылығы мен денсаулық сақтау салаларында бірлескен жұмысты тереңдетуге уағдаласты.
