Мақтаарал ауданында жаңа балабақша ел игілігіне берілді. Нысан Мырзатөбе ауылында бой көтерді. Ғимараттың аумағы 700 шаршы метр. Бүгінде мұнда 70-тен аса бала тәрбиеленуде. Заман талабына сай жабдықталған балабақша жеке кәсіпкердің есебінен салынып отыр. Ауыл тұрғындары жаңа нысанның ашылу салтанатын наурыз мейрамымен қатар тойлап, ізгі тілектерін жеткізді.
