Астанада Энергетика министрі Ерлан Ақкенженовтің төрағалығымен өткен кеңесте елдегі жылу электр орталықтарының жағдайы қаралды. Қазіргі таңда 37 жылу электр орталығының 10-ы тозығы жетуіне байланысты «қызыл деңгейде» қалып отыр. Сонымен қатар, проблемалық станцияларда 9 энергоблок, 55 қазандық және 51 турбинаға күрделі жөндеу жоспарланған. Әзірге олардың ішінде 2 энергоблок, 5 қазандық және 2 турбинада қалпына келтіру жұмысы жүріп жатыр. Ал, 1 турбина толық жаңартылған. Министр алдағы жылыту маусымына дейін осы 10 жылу электр орталығын «қызыл деңгейден» шығару – басты міндет екенін атап өтті.
