15 наурыз — еліміздің басты мерекелерінің бірі ретінде Конституция күні болып тойланады. Мемлекет басшысы Қасым-Жомарт Тоқаев республикалық референдумның экзит-полл нәтижелерімен танысқан соң, осындай тарихи шешімді жария етті. Президенттің айтуынша, қазақ халқының саяси науқандағы рекордтық белсенділігі мен жасаған таңдауы — ел тарихындағы жаңа дәуірдің бастауы болмақ. «Қазмедиа» орталығында жастармен кездескен Мемлекет басшысы халықтың бірлігі болашаққа үлгі әрі тарихта мәңгі сақталатынын айтты.
