Елімізде соңғы жеті жылда білім ордаларының инфрақұрылымындағы проблемалар соның ішінде, апатты жағдайда тұрған және үш ауысымды мектептердің саны айтарлықтай азайған. Соның аясында ел аумағында жаңадан 1300-ге жуық білім ошағы бой көтерген. Бұл жөнінде ҚР Премьер-министрі Олжас Бектеновтің «Егемен Қазақстан» газетінде жарық көрген «Жасампаздыққа жетелеген жеті жыл» атты мақаласында жазылған. Сонымен қатар, 2023-2025 жылдары құрылған «Келешек мектептері» ұлттық жобасы аясында бой көтерген 217 білім ошағы халықаралық стандарттарға сай жабдықталған. Сондай-ақ, Үкімет басшысы TALIS-2024 халықаралық зерттеуіне сәйкес, мұғалімдердің еңбекақысына қанағаттану деңгейі бойынша әлем елдерінің үздік бестіктің қатарында екенін тілге тиек еткен еді. Бұл көрсеткіш 2018 жылы небәрі 39% болса, 2024 жылы 71%-ға жеткен. Ал қазіргі уақытта еліміздегі педагогтердің 95%-ы өз қызметінің материалдық тұрғыда дұқрыс бағаланып жатқанына ризашылық білдірген.
.webp)
