Енді оқушыларға үзіліс кезінде де телефон пайдалануға тыйым салынуы мүмкін. Мұндай өзгеріс ұстаз мәртебесі мен білім беру мәселелеріне қатысты заң жобасында қарастырылған. 47-бапқа түзету енгізуді ұсынған депутаттардың айтуынша, телефонды тек сабақ барысында ғана емес, үзіліс уақытында да қолдануға шектеу қою кибербуллинг пен деструктивті контенттің алдын алуға, сондай-ақ мектептердегі тәртіп пен қауіпсіздікті күшейтуге мүмкіндік береді.
