Тазалық тәртіпті күшейтеді, ал тәртіп жауапкершілікті арттырады. Мемлекет басшысы экология мәселесіне арналған алғы сөзінде «Таза Қазақстан» – әдемі ұран не бір реттік науқан емес, күнделікті қажырлы еңбектің нәтижесі екенін атап өтті. Президент бұл бастаманың ұлттық идеологиямыздың ажырамас бөлігіне айналғанын айтып, осы маңызды құндылықты жас ұрпақтың санасына сіңірудің маңыздылығына тоқталды. Сондай-ақ ел болашағы – жастар екенін тілге тиек етіп, оларды тазалыққа, жауапкершілікке баулу ортақ міндет екенін жеткізді.
.webp)
