Президент ұсынған парламенттік реформа елдегі заң шығару жүйесін заманауи талаптарға бейімдеуді көздейді. Жаңа модельде депутаттардың өкілеттік мерзімі бес жылға белгіленіп, заң қабылдау тәртібі нақты кезеңдерге бөлінбек. Бұл өзгерістер заң шығару процесін жүйелеп қана қоймай, саяси реформалардың жалғасына айналады. Мемлекет басшысы сапалы әрі кәсіби Парламент қалыптастыруды басты міндет ретінде атап өтті. Осы бағытта депутаттар саны оңтайландырылып, комитеттердің де тиімді құрылымы ұсынылды. Сарапшылардың айтуынша, бұл қадамдар билік тармақтарының өзара тепе-теңдігін күшейтіп, елдегі әлеуметтік-экономикалық өзгерістерге заңнамалық тұрғыда серпін бермек.
