Қазақстанда профилактикалық тексеру мен диспансерлік бақылау тәсілдері түбегейлі қайта қаралады. Бұл туралы Алматыда өткен әлеуметтік саланы дамыту мәселелері жөніндегі кеңесте белгілі болды. Мәселенің өзектілігі сонша – елімізде 4 миллионнан астам адам кейінгі екі жылда бірде-бір рет дәрігерге көрінбеген. Денсаулық сақтау министрі Ақмарал Әлназарованың мәліметінше, мегаполисте жағдай мәз емес. Қалада мыңнан астам маман оның ішінде 400-ден астамы дәрігер қажет. МӘМС бойынша алматылықтардың 80,3%-ы ғана сақтандырылған. 460 мыңнан астам адам жүйеден тыс қалып қойған немесе жарнаны тұрақсыз төлейді. Вице-премьер медициналық мекемелердегі есептіліктің бұрмалануына қатысты қатаң ескерту жасады. Енді әрбір емхана мен аурухана бойынша детальды сараптама дайындалады.
.webp)
