Қазығұрт ауданында бос жұмыс орындарының жәрмеңкесі өтті. Онда негізінен пробация есебінде тұрған азаматтарға басымдық берілді. Мұндай жәрмеңке өңірде биыл 6 рет өткен. Оған 400-ге жуық жұмыссыз азамат пен 50 шақты жұмыс беруші қатысқан. Нәтижесінде екі қолға бір күрек іздегендердің жартысынан көбі тұрақты жұмыс тапқан. Бұдан бөлек, шара шеңберінде былтыр мемлекеттік грант алып, кәсіп бастаған жандар өнімдерін ұсынды. «Жұмысшы мамандықтар жылы» бастамасы аясында қарапайым еңбек адамдарына аудан әкімдігі Алғыс хат табыстады.
