Түркістанда «TOMIRIS» ақпараттық-білім беру семинар-тренингі өтті. Шара отбасылық құндылықтарды нығайтуға және әйелдердің қоғамдық-саяси белсенділігін арттыруға арналды.Түркістан облысы – елдегі демографиялық өсімі ең жоғары өңір. Мұнда 185 мыңнан астам көпбалалы ана бар. Әйелдердің экономика мен мемлекеттік басқарудағы үлесі де жоғары. Өңірдегі кәсіпкерлік айналысатын 200 мыңнан астам адамның жартысына жуығы әйелдер, ал мемлекеттік қызметтегі 5 мыңға жуық маманның мың жарымы нәзік жандылар. Олардың 233-і басшылық қызмет атқарады. Аймақта қазір әйелдерге психологиялық, құқықтық және әлеуметтік кеңестер беретін 17 «Отбасын қолдау орталығы» жұмыс істеп, маңызды әлеуметтік бастамаларды жүзеге асыруда.
