Түркістан облысының әкімі Нұралхан Көшеров Ұлыбритания және Солтүстік Ирландия Біріккен Корольдігінің Қазақстандағы елшісі Салли Аксуорсимен кездесті. Тараптар өңірдің туристік және инвестициялық әлеуетін таныстырып, өзара әріптестікті нығайту бағыттарын талқылады. Облыс әкімі өңірдің индустрия, ауыл шаруашылығы және жасыл технологиялар салаларында бірлескен жобаларды жүзеге асыруға дайын екенін атап өтті. Сондай-ақ «Батыс Еуропа – Батыс Қытай» халықаралық дәлізінің аймақ экономикасы үшін маңызы ерекше екені айтылды.
