Қазақстанның жеті өңірінде 132 мектептің оқушылары қашықтан оқуға көшті. Басты себеп балалар арасындағы тұмаудың өршуі. Cырқатқа шалдыққандардың ең көбі Жамбыл мен Абай облыстарында. Сондай-ақ Астана, Шығыс Қазақстан, Ақмола, Қарағанды және Қостанай облыстарында да онлайн оқу енгізілді. Бас мемлекеттік санитар дәрігер Сархат Бейсенованың айтуынша, бір сыныптағы оқушылардың 20 пайызы ауырып қалса — ол сынып аудиторияда оқуды тоқтатады, ал 30 пайызы ауырған жағдайда сабақ толық онлайн форматқа ауысады. Қазір санитарлық жағдай жіті бақылауда. Айта кетейік, елімізде тұмаумен ауырғандар саны 1,5 миллионға жетті.
.webp)
