Түркістандағы Бекзат Саттарханов атындағы спорт кешенінде Кеңес Одағының Батыры Сабыр Рақымовты еске алуға арналған халықаралық турнир жалауын көтерді. Дәстүрлі додаға биыл 4 елден 420-ға жуық жас балуан жиналған. 2006–2007 жылы туған өрендер үш күн бойы бозкілемде бақ сынайды. Олар 11 салмақ дәрежесінде белдесіп, мықтыларды анықтайды. Айта кетсем, халықаралық жарыс биыл 29-шы рет ұйымдастырылып отыр. Ондағы мақсат – жас спортшылардың шеберлігін шыңдау ғана емес, достастықты нығайту. Жалпы Түркістан облысында еркін күреспен 5000-ға жуық жасөспірім айналысады. Оларды 200-ден астам жаттықтырушы баптап жүр.
