Түркістан облысы әкімінің орынбасары Ертай Алтаев тұрғындарды қабылдап, өтініштері мен шағымдарын тыңдады. Әр өңірден келген 15-ке жуық азамат әлеуметтік мәселені көтерген. Мәселен бірі мүгедек баласына әлеуметтік көмек сұраса, енді бірі жұмысқа орналастырып беруді өтінген. Сондай-ақ, Арыс, Мақтаарал, Жетісай аумағындағы жекеменшік мектептерді қаржыландыру, ФАБ құрылысы және жаңа мектептің жанынан қосалқы мектеп салу мәселесін сөз болды. Ертай Алтаев бұл сауалдарды заң жүзінде қарастырып, тиісті жұмыстар жүргізетінін айтты.
