Түркістан облысының әкімі Нұралхан Көшеров бастаған өңір делегациясы Өзбекстанның Хорезм облысына жұмыс сапарымен барды. Сапардың мақсаты – туризм саласындағы әріптестікті арттырып, бірлескен жобаларды жүзеге асыру. Кездесуде Нұралхан Көшеров пен Хорезм облысының әкімі Журабек Рахимов екі өңірдің тарихи, мәдени байланыстары мен туризм әлеуетін таныстырды. Атап айтқанда Түркістан – Хиуа бірыңғай туристік бағытын әзірлеуді, мәдениет пен қолөнер күндерін өткізуді, сондай-ақ әуе қатынасын дамыту арқылы туристік байланысты күшейтуді ұсынды. Журабек Рахимов Хорезмге арнайы барған Нұралхан Көшеров пен облыс делегациясына алғысын білдіріп, өңірлер арасындағы байланыстар нығайып, ортақ жобалар жүзеге асарына сенім білдірді.
.webp)
