Соңғы бес жылда Түркістан облысында медициналық қызметтерді қаржыландыру көлемі 2,9 есеге өсіп, 239 млрд теңгеге жеткен. Бұл – өңірдің денсаулық сақтау жүйесіне бөлінген қаржының айтарлықтай артқанын көрсетеді. Әлеуметтік медициналық сақтандыру қорының филиалы биыл тұрғындарға көрсетілген медициналық қызметтер үшін 126 млрд теңге төледі. Оның 3 миллиарды – жүрекке, 809 млн теңгесі – миға жасалған күрделі операцияларға бағытталған. Айта кетейік, облыстағы 185 медициналық ұйымның бәрі бірыңғай ақпараттық жүйеге қосылған. Бұл – дәрігер қабылдауына жазылуды жеңілдетіп, кезек күту уақытын екі есеге қысқартып отыр.
.webp)
