Еліміздегі әкімдердің жұмысы енді есірткіге қарсы күрес бойынша да бағаланатын болады. Бұл туралы ҚР Парламенті мәжілісінің көшпелі Үкімет сағатында айтылды. Ішкі істер министрлігінің хабарлауынша, енді әкімдердің рейтингіне жаңа өлшем енгізілмек. Сондай-ақ, бүгінде ел аумағында есірткі айналымына тосқауыл қою шаралары күшейтілген. Айта кету керек, есірткі заттарын медициналық емес мақсатта тұтынғандарға әкімшілік жауапкершілік енгізілген. Талапты күшейтудің нәтижесінде 3 600-ге жуық құқықбұзушылықтың жолы кесілді.
