Түркістан облысында жаңа оқу жылынан бастап оқушылардың тамақтану жүйесіне жаңа стандарттар енгізілмек. Дәлірек айтсақ, мектептердің ас мәзірінен тәтті сусындар мен шырындар, шұжық өнімдері, ысталған ет, спред-май және дәм мен иіс күшейткіштері бар өнімдер алынып тасталды. Есесіне балалардың өсіп-жетілуіне қажет жаңа піскен көкөністер мен жемістердің үлесі артпақ. Жауаптылар бұл қадам балалар арасындағы семіздік, қант диабеті, жүрек-қан тамырлары және басқа аурулардың алдын алады дейді. Бұл туралы Түркістан облысы санитариялық-эпидемиологиялық бақылау департаментінің басшысы Нұрбек Нышанов баспасөз брифингінде мәлімдеді.
.webp)
