Қазығұрт ауданының Қаратас ауылдық емханасы биыл күрделі жөндеуден өтті. Бұған дейін тұрғындар тозығы жеткен ғимаратта қаралуға мәжбүр болса, енді ауыл халқы жаңарған мекемеде сапалы қызмет алуға мүмкіндік алды. Бүгінде емхана 9 мың 500 адамға медициналық көмек көрсетеді. Қазір мұнда 5 жалпы тәжірибелі дәрігер, сондай-ақ акушер-гинеколог, стоматолог және хирург жұмыс істейді. Барлығы 8 дәрігер мен 21 медбике ауыл халқына қызмет көрсетіп отыр.
.webp)
