Қостанайда әлеуметтік желі арқылы есірткі саудалағандар сотталды. Telegram мессенджерінде наркошоп ашқан қылмыстық топтың айналымы 100 миллион теңгеден асқаны анықталды. Бұл виртуалды дүкенде 2 мыңнан астам тұтынушыға есірткі сатылған. Қылмыстық топ, есірткі саудасынан түскен қаражатты дропперлердің көмегімен қолма-қол ақшаға айналдырып отырған. Тінту кезінде 30 келіден астам марихуана мен гашиш тәркіленген. Сот кінәлілерді 8 жылға бас бостандығынан айырды. Қылмыстық жолмен алынған екі автокөлік мемлекет меншігіне қайтарылды. Үкім әлі заңды күшіне енген жоқ.
.webp)
