Елдің ертеңі мұғалімдерге тікелей байланысты. Сондықтан ұстаздың қоғамдағы орны бәрінен биік болуға тиіс. Бұл туралы педагогтердің республикалық Тамыз конференциясында Мемлекет басшысы Қасым-Жомарт Тоқаев айтты. Сондай-ақ мектептен тыс жерде балаларға қатысты оқыс оқиға болса, оған ұстаз жауапты емес, - деді. Президент кез келген жазатайым жағдай үшін мұғалімді жазалау орынсыз деп санайды. Сондықтан «Педагог мәртебесі туралы» заңға ұстаз құқығын қорғау жөнінде өзгерістер енгізуді ұсынды. Айта кетсем, биылғы бас қосу «Білім келешегі: адал азамат, кәсіби маман» тақырыбына арналып отыр. Онда мектепке дейінгі, орта, қосымша, техникалық және кәсіптік білім берудегі өзекті мәселені, балалардың құқықтарын қорғау және білім беру сапасын қамту жайы талқылануда.
.webp)
