Түркістан облысының әкімі Нұралхан Көшеров кезекті рет Шардара ауданындағы су нысандарын аралап, қаладағы бас су торабының жұмысын қадағалады. Сала мамандарымен кеңесіп, жауапты тұлғаларға аталған мәселе бойынша үздіксіз жұмыс істеуді тапсырды. Қазіргі таңда су торабына қосымша сорғы орнатылып, диаметрі 200 мм болатын полиэтилен құбыр іске қосылған. Сонымен қатар 10 су тасымалдаушы көлік пен 28 дана су ыдысы жеткізілді. Сондай-ақ өңір басшысы қаланы сапалы ауыз сумен қамтамасыз ету мақсатындағы жобаның құрылыс жұмыстарымен танысты. Оның құрылысы биыл ақпан айында басталған. Бұл жоба жүзеге асқан жағдайда қаладағы 32 мыңға жуық тұрғын толық ауыз сумен қамтамасыз етілмек.
