Биыл елімізде 300 мың қазақстандық көмір тасып, күл шығару машақатынан құтылады. Бұл туралы Энергетика министрлігінің баспасөз қызметі хабарлады. Жалпы, Қазақстан бойынша газдандыру деңгейі 62,4%-ға жеткен. Бұл 20 млн халықтың 12 миллионы табиғи газға қол жеткізді деген сөз. 2024 жылы 4 000 км-ден астам газ құбыры салынып, 93 жоба іске асырылды. Биыл тағы 77 жобаны аяқтап, 300 мыңнан астам адамды газбен қамтамасыз ету жоспарланып отыр.
