Енді еліміздегі мектеп оқушыларының ата-аналары мектептегі асхана мәзіріне онлайн бақылау жасай алады. Тіпті, олар ұл-қызына ұсынылған тағамға өз бағасын беруіне де болады. Бұл туралы Үкімет үйінде өткен отырыста Цифрлық даму, инновациялар және аэроғарыш өнеркәсібі министрі Жаслан Мәдиев мәлімдеді. Басқосудағы басты тақырып – жаңа оқу жылына дайындық барысы болды. Министр мәлім еткендей Егов Мобайл қосымшасындағы «Әлеуметтік әмиян» сервисі арқылы ата-анлар балаларының ыстық тамақпен қамтылғанын тексеріп, пікір қалдыра алады.
